مہر خبررساں ایجنسی کے مطابق، ایرانی وزارت خارجہ کے ترجمان ناصر کنعانی نے غزہ میں جنگ بندی کے حوالے سے حماس کی سیاسی حکمت عملی کا خیر مقدم کیا ہے۔
انہوں نے حماس کی اس پالیسی کو عملی میدان میں مقاومت کی صہیونی حکومت پر برتری قرار دیتے ہوئے کہا کہ حماس کی جانب سے قطر اور مصر کی پیش کردہ جنگ بندی کی تجویز پر جواب خوش آئند ہے۔
انہوں نے مزید کہا کہا کہ ایران ہر ایسے معاہدے کو خیر مقدم کرتا ہے جو جنگ بندی، محاصرے کا خاتمہ، قیدیوں کا تبادلہ، صہیونی فورسز کا غزہ سے انخلاء اور غزہ کی تعمیر نو پر مشتمل ہو۔
یاد رہے کہ حماس نے گذشتہ رات ایک بیان میں کہا تھا کہ قطر اور مصر کی تجویز پر جنگ بندی کے حوالے سے حماس نے مثبت جواب دیا ہے۔
آپ کا تبصرہ